Poem 9 - Inteha

​

( This one is HINDI-URDU version written with english alphabets.)

​

​

Aee khuda, kyun tune is bande ko banaya;

Kar rehmat, kyun berehem hona sikhaya;

 

Dil to diya, kyun deke usse maum sa banaya;

                     Gair ki qasd mein doobakar, kyun apno ko raundna sikhaya;                                      

Rahgujar to bahut bheje tune is safar mein;

Par kyun kisi humrahi-humsafar se na milaya;

 

Suna hai bhool jate hain log khud ko apni qurbat mein;

Kyun is ehsaas se mughe mehroom rakhvaya;

 

Hazroon ke hajoom mein khada kar tune;

Kyun fir meri tanhyi ka makhaul udaya;

 

Jaan lag jati hai mehboob tak apni ashiqi pauhchane mein;

Kyun bas ek mohum si hasi dekar, unhone mudke dekhne ka takalluf bhi na uthaya;

 

Khud ko luta kar, humne jinhe ishq ka aina dikhaya;

Kyun pathar dil banakar tune unhe todna sikhaya;

 

Aae khuda-ae khuda kyun tune ye ishq ki chaal chal dali, 

Din mein shama, raatein chaka-chaundh kar dali; 

Lage to the do shabd unki adayat pe likhne; 

Kyun likhte-likhte puri kavayat likha dali; 

 

Qalaq nahin humein apni aashiqui pe,

Bas malaal is baat ka hai; 

Tune rang kisi or ke dikhake, tasveer kisi or ki bana dali.

​